♥ 愛的宣言參考 ♥

以下是在網上常見的愛的宣言，給大家參考喔^_^~
可以再自行修改至適合妳的專屬宣言喔!!

1) 一生一世只愛妳
我愛(新娘名)情不變，
一生為奴無怨言，買餸煮飯我做先
洗衫拖地我都掂，家用俾足無拖欠
名牌任買隨得妳，最緊要係妳歡喜
唔嫖唔賭唔食煙，篤波賭馬問妳先
總之我由今日起，生命裡面只有妳
以後妳話點就點，立下此誓永不變！
(新娘名)、(新娘名)、我愛妳
(新娘名)、(新娘名)、我愛妳！

2) 最聽話的老公
給至愛的老婆大人 (新娘名)：
經濟大權在妳手，每日廿蚊我就夠
洗衫煮飯無叫抖，做牛做馬又做狗
老婆生日年年有，一定送車又送樓
外母竹戰場場贏，斟茶遞水好幫手
豬朋狗友約飲酒，老婆say no無得走
見到靚女掉頭走，如果唔係打到嘔
努力搵錢養成竇，朝六晚九唔駛抖
床上功夫識唔夠，記得請教啲老友
今日決定接妳走，與妳永遠長廝守
兒孫滿堂福氣夠，共諧連理到白頭！
最聽話的老公仔 (新郎名)上

3) 老婆老婆嫁俾我
今日我要娶老婆，因為我已經大個
最想有個安樂窩，仔仔女女一籮籮
唔駛一世食白果，從此生活樂趣多
老婆規矩雖然多，對我嚴厲要求苛
終日囉囉又唆唆，對我日哦又夜哦
但求老婆笑呵呵，一一遵守又如何
成份糧比晒老婆，速磅cash快夾妥
每月家用任妳攞，剩番散銀得幾個
無得再飲酒唱歌，乖乖在家同妳磨
捶骨推拿同按摩，家務我做快又妥
洗衫煮飯唔懶惰，洗完碗切埋生果
用完掃把用地拖，順手洗埋個廁所
若然我有咩做錯，激到老婆把幾火
跪地斟茶掹耳朵，以後只企唔敢坐
日後唔敢口多多，求求老婆饒恕我
將來我頭髮稀疏，大肚腩個背又駝
癡癡呆呆戇夾傻，如果妳唔嫌棄我
在座各位聽清楚，老婆老婆嫁俾我！

4) 愛妻十條
老婆沖涼時要量好水溫，捶骨擦背：不得有貪圖私慾之行為。
老婆掃貨時要勇於付款，幫手拎野：不得有不情不願之行為。
老婆煮飯時要讚不絕口，食多幾碗：不得有厭三厭四之行為。
老婆訓覺時要炎夏扇風，寒冬暖被：不得有打呼搶被之行為。
老婆訓話時要兩手貼緊，立正企好：不得有心不在焉之行為。
老婆不在時要朝思暮想，守身如玉：不得有偷雞摸狗之行為。
老婆敷臉時要提供方法，以身試法：不得有哈哈大笑之行為。
老婆生氣時要扮豬扮狗，討妳歡喜：不得有不理不睬之行為。
老婆打我時要任其蹂躪，謝主隆恩：不得有還手瞪眼之行為。
老婆審問時要發誓賭咒，以表忠誠：不得有漫不經心之行為。

5) 肉麻情話
老婆 (名字)：
如果妳是一隻弧形彈性牙刷，俾我做妳唯一的牙膏，黏住妳；
即使妳是污衣籃，又如何？只需俾機會我成為一件污衣，又可向妳投懷送抱；
如果妳是大衣櫃，我想做衣櫃裡的燈，在妳內心發熱發亮；
即使妳是一幅磨損日久的柚木地板，
我多麼希望成為優質的水晶蠟，令妳時刻容光煥發；
我真的很愛妳，打從那一眼開始…我就屬於妳！
老公 (名字)

6) 愛的宣言三字經 (由於位置不足關係, 請自行刪減5行或以上)
諗番起初見妳覺得妳靚到痺
我決定愛定妳拍拖時我追妳
追到我索哂氣追倒妳我運氣
肉麻話唔怕痺我照講來冧妳
應承妳結婚後朝朝早我先起
煮早餐等住妳番工前錫啖妳
妳番工我送妳妳收工我接妳
要加班我唔理一收工番屋企
唔可以淨得妳一個人悶悶地
一定要陪住妳妳話凍攬實妳
妳話熱開冷氣有咩事我撐妳
臨訓前唔錫妳妳罰我唔扲被
一出糧俾哂妳鍾意咩買比妳
唔夠錢我黎俾有假期實陪妳
妳睇戲我買飛妳遲到唔怪妳
但我遲罰我企做錯野激嬲妳
由得妳發脾氣妳話咩就哂妳
我去玩預埋妳娶到妳我褔氣
俾心機照顧妳我對妳唔做戲
講真話唔呃妳不單只淨愛妳
重愛埋妳屋企總之一句我愛妳

7) 幸福承諾
自從俾我遇到妳日日開心到飛起
每日都想黎接妳行街送妳返屋企
做野做到攰到死幫妳揼骨鍊大肶
家頭細務有我理洗碗抹窗兼拖地
無論一餸定幾味好唔好味都歡喜
朋友聚會預埋妳唔會叫妳番屋企
成副身家比晒妳就算每日得廿幾
永冇嗌交兼霎氣日日諗計氹番妳
生仔生女隨妳喜最想全家在一起
第時就算八十幾老公都講我愛妳

8) 愛的宣言   (SAMPLE圖中的文字)
諗番第一次見妳    覺得真係靚到痺
我決定會愛定妳    追到妳係我運氣
我愛(新娘名)情不變    一生為奴無怨言
買餸煮飯我做先    洗衫拖地我都掂
每月人工俾晒妳    我啲零用由妳俾
由得妳發我脾氣    妳話咩都就哂妳
一定成日陪住妳    妳話凍就攬實妳
臨訓前我錫啖妳    然後再幫妳扲被
俾心機去照顧妳    娶到妳係我褔氣
總之我由今日起    生命裡面只有妳
立下此誓永不變    求老婆妳嫁比我

9) 完美老公宣言
(新娘名稱)、(新娘名稱)我愛妳，以後生活幸褔到痺
每月人工俾晒妳，我啲零用由妳俾
供樓水電我揹起，Prada、Gucci隨得妳
最緊要係妳歡喜，家頭細務唔駛理
生仔生女隨得妳，對妳家人體貼又入微
歡迎外母住埋我屋企，日日Check住我有無蝦妳
對妳朋友關照到飛起，識到好男仔就介紹俾佢地
對妳我就溫柔到痺，生生世世陪住妳
懶理樓價跌淨四成幾，抑或恆指去到兩萬四
總之我由今日起，生命裡面只有妳
立下此誓永不變，(新娘名)、(新娘名)、我錫晒妳

10) 分分鐘需要妳
願我會揸火箭　帶妳到天空去
在太空中兩人住
活到一千歲　都一般心醉
有妳在身邊多樂趣
共妳雙雙對　好得戚好得意
地冧天崩當閒事
就算翻風雨　只需睇到妳    似見陽光千萬里
有了妳開心啲　乜都稱心滿意
鹹魚白菜也好好味
我與妳永共聚　分分鐘需要妳
妳似是陽光空氣
扮靚啲皆因妳　癲癲地皆因妳
為妳甘心作傻事
扮下猩猩叫　睇到乜都笑
有妳在身邊多樂趣

11) 一生愛妳一個
喜歡妳我最清楚這感覺
從前妳是妳從前我是我
現在縱使不清楚   我最愛妳甚麼
尋覓妳   留住妳   全憑直覺
其實我真的相信愛情的直覺
從前尋遍這天邊海角
不經意等到心中愛情主角
愛妳一個   像是浪漫愛歌
想妳一生也愛我一個
想妳心意屬我
期望妳跟我   長路也走過 Wooh…
准我一生也愛妳一個准我相信直覺
請將一生的幸福也付託給我
常在妳心裡    愛著我